Monday, May 6, 2013

నేను అనలేకనా !?

ఎంత తేలిగ్గా చెబుతున్నావు

ఇంకో పెళ్లి చేసుకుంటా ...

నాకేం తక్కువైందని

నీకా ఆలోచన వస్తుంది ? ...అంటే సిగ్గులేకుండా

ఏమంటున్నవూ ?
రోజూ అదే తిండి ..

తినాలనిపించట్లేదు

నీ ఆకలి ఎంతో

నాకు తెలియదా ?.. నీలో ఆకలే సరిగ్గా

ఉండనప్పుడు

ఎవరోచ్చి తినిపించిన

ఏం తినగలవూ ?....
ఆ మాట నేను అనలేకనా ...!?

నేనింక బాగానే ఉన్నాను ..

నీకు నచ్చినట్లే ఉంటున్నాను అంటే ...
నీలో నాకు కావాల్సింది

కనిపించడం లేదు అంటున్నావు
నీ వలన పిల్లల్ని

కని .. పెంచాను .

ఇంకా వాడిగా వేడిగా

ఎలా కనిపించగలను ...?

నేను సరే !..

మరి నువ్వూ ?
నన్ను గమ్యానికి తీసుకెళ్తూ

మార్గంలో అలిసి పడిపోతుంటావు ...
మరి గమ్యానికి చేరుకోవడానికి

నేనింకో తోడు వెదుక్కోనా ?
ఆ మాట నేను అనలేకనా !?

నీ అదృష్టం ఏదంటే ...

నువ్వు మగాడిగా పుట్టావు

నా నిస్సహాయతనే

నీ అర్హత అనుకుంటావు

సమాజపు కట్టుబాట్లు

నా నోటికి అడ్డుపడకుంటే

ఆ మాట నేను అనలేకనా !?

Posted by : mehdi ali 7:47 AM

ఈ విషయం ఆ నిస్సహాయపు వ్యక్తికి నిజంగా తెలియదనా!?

తెలిసిన అనలేక ..

Followers