Followers

Sunday, November 5, 2017

thumbnail

** నిశబ్ధం ధ్వనిస్తే .. **






నీ కళ్ళలో కోరిక చూసినప్పుడల్లా
నీ కోసం నా వలువలు
శిశిర కాలపు పత్రాలవుతాయి 
నా దేహం వెన్నెల పర్చుకున్న
మైదానమవుతుంది ...
నాలోని అందాలు
ఉత్తేజాన్ని ఇస్తాయో , లేవో
చెప్పలేను కానీ .
శోధించి , సాధించి , ఆస్వాదిద్దమనే
కోరికను మాత్రం నీకు ఇవ్వవు కదా ...
నీది కోరికో , నేఁ కొరకుండా
చూసుకోవాలనే తపనో ..
అర్థం చేసుకొనేలోపే ..
అద్భుతం అనిపించుకునే
ఆ క్రీడలో లీనమవుతాము ..
నెమ్మదిగా ప్రవహించే నదిలా ..
ప్రారంభమైన నీ వేగం నాలో
తన్మయత్వపు కెరటాలను సృష్టిస్తూ
మరింత వేగాన్ని ఆశిస్తూ ఉంటుంది ..
ఎదుటివారి గెలుపుకు సైతం
ప్రోత్సాహమిచ్చే ఆ వేగంలో
నాతో పరుగెత్తేవాడు గమ్యం వరకు
వెంటే రావాలని నాకు ఉండదా ...
నువ్వేమో కొద్ది దూరానికే
అలసి పడిపోతావు ..
నిన్ను వదిలి ముందుకు వెళ్లలేక ,
నీకోసమే ఆగలేక .. ఎంత సంఘర్షణ
అనుభవిస్తానో .. ఎలా చెప్పనూ...
ఉవ్వెత్తున లేచే నాలోని కెరటాలు
తీరానికి చేరకముందే
పడిపోవు .. నిక్షిప్తమైపోతాయి ..
నీ సమక్షంలో జలపాతంలా
తుళ్లుతూ ఉండే నేను ,
ఏం కావాలో చెప్పలేక
ఆ క్షణం మూగదాన్నావుతాను
నీ శారీరక బలహీనత అయి ఉంటే
నేఁ ఏదైనా భరించేదాన్ని
నీది మానసిక బలహీనత కదా ..
బయిట ఎన్నో అందాలను గ్రోలే నీకు
ఇంట్లోని దేహం ..
నిజానికి నా సమీపానికి వచ్చేటప్పటికి నీకు .
ఏ దాహం అవసరమవుతుందని ...
నీ బలహీనతను కూడ
నా చిరునవ్వుగా మార్చుకొని
రగిలే కోరికలను అనునయిస్తాను ...
కానీ ఎంత కాలం ఆ అనునయం
నా చేతుల్లో ఉంటుందని ... ?
నీ చేతల్లో మార్పు రాకుంటే
నీ చేతుల్లో జారకుండా ఉండగలనా .. !?


Subscribe by Email

Follow Updates Articles from This Blog via Email

10 Comments

avatar

నిశ్శబ్ధంలో ఎన్నో భావాలు దొర్లించారు.

Reply Delete
avatar

ధన్యవాదాలు అండి

Reply Delete
avatar

మధురం మీ భావం

Reply Delete
avatar

మీ అక్షరాలు నిశ్శబ్ధంగానే ధ్వనిస్తాయి కదండీ.

Reply Delete
avatar

సుమధురం మీ కవిత.

Reply Delete

Akshara Swasa by Mehdi Ali. Powered by Blogger.