Saturday, January 14, 2017

నీ కెలా చెప్పనూ ...

mehdi ali 12:00 AM 6 Comments

సంద్రాన్ని చూసినప్పుడల్లా

నువ్వు జ్ఞాపకం రాకమానవు

అది ఆహ్లాదంగా , ఆనందంగా

అనిపిస్తుందని కాదు ...

ఎగిసిపడే కెరటాల్లాగా

కనిపించే నీ ఆహ్లాదం వెనుక

సంద్రం అంతర్భాగం లో

దాగి ఉండే గంభీరత గుర్తుకొచ్చి....

నీతో మాట్లాడినప్పుడల్లా

సంద్రం గుర్తుకు రాకమానదు

అలల హోరులా నీ మాటలు

అస్పష్టంగా ఉంటాయని కాదు ...

తీరం సరిహద్దుగా ఆగిపోయే కెరటాల్లాగా ..

నీలోని ఆవేదనకు

నీ అధరాలు సరిహద్దై ఆపేస్తాయని ...

నువ్వు అప్పుడప్పుడు నవ్వుతూ చెబుతావు ..

ప్రతి వదనం వెనుక

కొంత వేదన ఉంటుంది

ఆహ్లాదంగా కనిపించేవారిలో

మరింత ఎక్కువ ఉంటుందని ...

ఉదాహరణ నువ్వే అని చెప్పాలనుకుంటాను

కానీ ఉక్రోషంగా నువ్వంటావు ....

నాలో వెతక్కూ నేను నటించలేను

నీకెలా చెప్పాలి ..నటించవు

నువ్వు అందులో జీవిస్తావని .....