Friday, August 9, 2013

!! చూడలేమా .... !!

ముత్యాలా కోసం
సముద్ర గర్భంలోకి వెళ్లాలా ?
దోసిళ్ళు పడితే చాలదా ..
నువ్వు నవ్వుతున్నప్పుడు ...

హిమపు అందాన్ని చూడాలంటే
సంధ్యావేళా గులాబీపై బిందువులనే చూడలా ?
నీ వదనాన్ని చూస్తే సరిపోదా ....
దానిపై స్వేద బిందువులు పేరుకున్నప్పుడు ....

కోకిల స్వరం కోసం
వసంతం వరకు ఎదురుచూడాలా ?
తన్మయత్వం సరిపోదా ...
నీ స్వరం వింటునప్పుడు ....

వెన్నెల పరిపూర్ణతను చూడాలంటే
పౌర్ణమికై ఎదురు చూడాలా ?
నీ మొఖాన్ని చూస్తే సరిపోదా ..
నువ్వు కురులు విప్పి నా పైకి వచ్చినపుడు ....

నిజమైన కళాత్మకతను చూడాలంటే
ఎల్లోరా శిల్పాలనే చూడాలా ?
నీ శరీరాన్ని చూస్తే సరిపోదా ..
సిగ్గుతో అందాన్ని మేలి ముసుగులో దాస్తున్నపుడు.....

అంకితం ...

నా కవితలకు ఆకృతి

దూరమైన , చేరువైనా

నా శ్వాసలో నిరంతరం ఉండే స్మృతి

నా నైట్ క్వీన్ కు .....

Posted by : mehdi ali 2:11 PM

12 Comments

సృజన August 9, 2013 at 4:30 PM

చాలా చక్కని భావాలున్న కవిత.

Reply Delete

mehdi ali August 9, 2013 at 5:33 PM

Thank you srujana garu

Reply Delete

Sag August 9, 2013 at 8:55 PM

very good feel. wonderful sir ji.

Reply Delete

mehdi ali August 9, 2013 at 10:41 PM

Thank you sir

Reply Delete

Padmarpita August 9, 2013 at 10:59 PM

ఇంత అల్పసోంతోషా మీరు మహదిగారు.....అయితే తప్పకుండా తను అత్యాశాపరురాలైన అదృష్టవంతురాలన్నమాట :-)

Reply Delete

Unknown August 9, 2013 at 11:18 PM

కొన్ని సార్లు అభినందించడానికి పదాలు వెదుక్కోవాల్సి వస్తుంది .. నేను ఇది చూసాక ఆ స్థితిలో ఉన్నాను .. మీ నైట్ క్వీన్ ఎవరో కానీ మీలో ఇంత అందమైన భావాలు రగిలించి రాయడానికి ప్రేరేపించిందంటే తను పరోక్షంగా అభినందనీయురాలే ... నిజంగా చాలా రోజులకు ఒక అందమైన కవిత చదివానన్న తృప్తీ కలిగింది .. మీరు అనుమతి ఇస్తే నేను అనువదించుకొని నా బ్లాగ్ లో వేసుకుంటాను . .. మీ పేరుతోనే లెండి ...
సూచన : విషాదాన్ని రాయడం మానుకుంటే ఎంత అందంగా రాస్తున్నారో గమనించండి ..

Reply Delete

mehdi ali August 9, 2013 at 11:54 PM

పద్మార్పిత గారు .. తను ఎప్పటికీ అదృష్టవంతురాలే .. నా ప్రార్థన కూడ అదే .. తను అలాగే ఉండాలని ..
hamara kya hai hum ayine me chand ko dekh kar apna samjh te hai ..

Reply Delete

mehdi ali August 9, 2013 at 11:59 PM

మీ అభిమానానికి ధన్యవాదాలు ఆకృతి గారు .. మీ బ్లాగ్ లో మీ పేరుతోనే నిరభ్యంతరంగా వేసుకోవచ్చు .. నేను ప్రైవేసి ఎక్కువగా ఇష్టపడుతాను .. పబ్లిసిటిని కాదు .. నా నైట్ క్వీన్ అంటే మరోలా భావించకండి .. పెళ్ళైన వాడికి నైట్ క్వీన్ ఎవరుంటారండి .. భార్యే కదా ...

Reply Delete