Thursday, July 25, 2013

!! మరవకు ... !!

నువ్వింక పూర్తిగా పుష్పించనే లేదు
తుమ్మెదల రోద అప్పుడే మొదలైయింది

వాటి ఝంకారం నీకిప్పుడు ఆహ్లాదంగా ఉండవచ్చు
క్రమంగా అదే అసహ్యాన్ని కలిగిస్తుంది

తుమ్మెదలు నీ కోసం వరుస కట్టాయని ఉప్పొంగిపోకూ
నిజానికి నువ్వు కాదు వాళ్ళకు కావాల్సింది నీలోని మకరందం

నీకంటే ముందు పుష్పించిన పుష్పాలకు తెలుసు
నీ రెమ్మలు విప్పారే వరకు ఎన్ని భ్రమణాలు చేస్తాయో ...

ఒక తుమ్మెద అంటుంది నువ్వు పుష్పించకుంటే
నా రెక్కలు త్యజించి నీ పాదాల్లో మరణిస్తాను

మరో తుమ్మెద అంటుంది నువ్వు కరుణించకుంటే
వంద భ్రమణాలు చేస్తూ నీ దగ్గరే ఉంటాను

ఇంకో తుమ్మెద అంటుంది రెమ్మలు విడదీయు
నీ అందం చూసి తరించిపోతాను ..నీ మకరందం గ్రోలను

మరొకటి మరోలా ..
ఇంకొకటి ఇంకోలా అంటూనే ఉంటాయి

పుష్పించడం నీ సహజ లక్షణం..
పుష్పించు నీ అందంతో ఆకర్షించు
కానీ ఎవరికి చనువు ఇవ్వకూ ....
అలుసు ఇవ్వకూ ... భ్రమాణాలు చేస్తూ అలసిపోని ..

పుష్పించడం నీ లక్షణమైతే
నీలోని మకరందాన్ని ఆశపడటం వాటి లక్షణం
మరో పుష్పాన్ని వెదుక్కుంటూ అవి పారిపోతాయి
నీ లోని మకరందం తగ్గినపుడు ....

Posted by : mehdi ali 9:26 PM