Friday, March 20, 2015

కూతురు ..

నువ్వొక్కదానివి ఎన్ని అద్భుతాలు చేసి
ఎంతగా నా జీవనసరళిని మార్చేసావురా

నువ్వచ్చాకా నా జీవితంలోకి

నేను నాన్నను కాదు .. బుద్ధిమంతున్నైయ్యాను

నీ చిరునవ్వులను చూసి

నా అలుపును మరవాలని
ఎక్కడో వృధాగా గడిపే సమయం
నీకోసమే మూట కట్టుకొని ఇంటికొచ్చేస్తాను

నీ ఆనందమే నా జీవితం కావాలని
మీ అమ్మపై ఉండే ప్రేమ కూడా
పూర్తిగా నీ భాగంలోనే కలిపేసాను

నిన్ను హృదయానికి హత్తుకున్నప్పుడు
ఆ అనుభూతి ఈ భావన ఇస్తుంది
జీవంతో ఉండి స్వర్గానికి వచ్చాఎలాని

నీ శ్రేయస్సుకు తపిస్తున్నప్పుడు
మా అమ్మానాన్నల పై అనురాగం ఉప్పొంగుతుంది
వాళ్ళు నాకోసమే ఇలాగే తపించారు కదాని...

అందుకే తల్లి చెప్పేది
నువ్వు నన్ను నాన్నను కాదు
నిజానికి ఒక మనిషిగా చేసావు

Posted by : mehdi ali 9:56 AM

Followers