నేనిప్పుడు అట్టడుగులో ఉన్ననేమో
నేనెగరేసిన పతాకమొకటి శిఖిరంపై
నేటికీ రెపరెపలాడుతూనే ఉన్నది
నేనిప్పుడు మొలకెత్తనేమో
ఒకప్పుడు నాటబడి వృక్షమైన నా అంశం
నేటికీ కూడ నీడ ఇస్తూనే ఉన్నది
నేనిప్పుడు నడవలేనేమో
నేను దాటి వచ్చిన మైలురాళ్ళు
ఎందరికో స్పూర్తి ఇస్తూనే ఉన్నాయి
నేనిప్పుడు మూగపోయిన స్వరాన్నేమో
నేనాలపించిన గానాలెన్నో
ఎంతోమంది హృదయాల్లో ప్రతిధ్వనిస్తూనే ఉన్నాయి
నేను సజీవుణ్ణి కానేమో
స్మారకశిలలో ఉన్న నాపేరు
ఎందరినో జాగృతం చేస్తూనే ఉన్నది
నేను గతంగా మిగిలానేమో
నాకంటూ ఉన్న ఓ చరిత్ర
సజీవంగా నన్ను నిలబెడుతూనే ఉన్నది
Subscribe by Email
Follow Updates Articles from This Blog via Email
No Comments