నీ అంతరంగం

నీ కంటే నాకే ఎక్కువ తెలుసు నీ అంతరంగం

ఏదో ఆకర్షణలకు , కల్లబొల్లి కబుర్లకు లోంగేది కాదని........

స్నేహంపై నీకోక నిర్ధిష్టమైన అభిప్రాయం ఉందని

అంత సులభంగా అది ఎవరిని స్వీకరించదని ....

పడిపోకుండా బలమైన ఆలంబన ఉంటే తప్ప

ఆకాశంలో విహరించాలని నువ్వు కోరుకోవని .....

నీ పరిధిలోనే విహరించాలనుకుంటావు తప్పా

ఒకరి హద్దుల్లో వెళ్లాలని నీకు అనిపించదని .....

ఏ ఒకరి కొసమో లేననురాగాన్ని

మాటల్లో , చూపుల్లో రప్పించడం నీకు రాదని ......

నీ  అంతరంగం నువ్వే  అల్లుకున్న పర్ణశాలని

ఎంతో అర్హత ఉంటే తప్ప అందులో ఎవరికి ప్రవేశం ఉండదని....

నీపై ఆసక్తి కలిగించే  ప్రయోగాలు చేయడం నీకు రాదని

నీపై అనురక్తి కలిగించే ప్రతి అంశాన్ని హద్దులో ఉంచుతావని.....

నీ స్నేహపు అర్హతకు ఒక కోలామానం ఉందని

అది తక్కువైన , మరీ ఎక్కువైన దూరం చేసేస్తావని......

అందుకే నన్ను దూరం చేసావని 

అర్థం చేసుకొనేగా దూరంగా ఉంది నీ మనసు నొప్పించకూడదని ...

 

 

Posted by : mehdi ali 8:22 AM

Subscribe by Email

Follow Updates Articles from This Blog via Email