నా గాయాలను
ఎందుకు లెక్కిస్తావు
నీ చేతిలో రాళ్ళెన్ని
మిగిలాయో చూసుకో ...
నాలోని నిశ్చలనాన్ని
ఎందుకు పరీక్షిస్తావు
నీలోని జ్వలనాన్ని
ఆరకుండా చూసుకో ....
చిన్న శిక్ష విధించే
ఎందుకింత తృప్తి పడ్తావు
ప్రేమంటే అందరూ భయపడేలా
ఉంటే .. శిక్షేదైన చూసుకో ....
నా ఓర్పును
ఎంతవరకని పరీక్షిస్తావు
జాలితో నీ తీర్పు
మారకుండా చూసుకో .....
నాకింకెన్ని
పరీక్షలు పెడతావు
నా విజయాలను లెక్కిస్తూ నీ జీవితాన్ని
ముగియకుండా చూసుకో .....
Subscribe by Email
Follow Updates Articles from This Blog via Email
No Comments