రా నేస్తమా
ఇద్దరం ఒక ఒప్పందానికి
వద్దామా
...
మళ్ళీ అపరిచితుల్లాగా
కలసి
నీలోని ఆహాన్ని
నాలోని స్వాభిమానాన్ని
కలిపి
ఈసారి ముందుగానే
పునాదుల్లో పూడ్చి
కొత్తగా ఒక స్నేహ సౌధాన్ని నిర్మిద్దాం
నువ్వలా , నేనిలా
అనే అనడానికి
నీలో అహం ఉండదు
నిర్లక్ష్యం చేసే నిన్నెందుకు నిలపాలనే
స్వాభిమానం నాలో
ఉండదు
నీలో అసూయ
నాలో ఈర్ష్య ఉండదు
నీలో అహంకారం
నాలో అభిజాత్యం ఉండదు
వెదుక్కోవడానికి నీ భావాల్లో
నేను
నా భావాల్లో నువ్వు
ఉండవు
ప్రశ్నించాలని నీకుండదు
సమాధానం ఇవ్వాలని నాకుండదు
నువ్వు ఆహ్లాదంగా రాస్తావు
నేను ఆసక్తిగా చదువుతాను
నీ మనసుపై ముసుగు ఉండదు
నా మనసు పై పొర ఉండదు
అప్పుడు ....
నీకేదైనా బాధ కలిగినపుడు
నీ ఆప్తుల్లో ఒకరిగా నేను కనిపిస్తాను
నాకేదైనా సమస్య వచ్చినప్పుడు
ముందు నువ్వే జ్ఞాపకం వస్తావు
నీనుండి నేనేమీ ఆశించను
నానుండి నీకే సమస్య ఉండదు
నిష్కల్మషంగా ఉండటానికి
మళ్ళీ ఒక ప్రయత్నం
చేద్దామా
కొత్తగా ఒక స్నేహ సౌధాన్ని నిర్మిద్దామా ...
** THANK YOU AKRUTI .... **
Subscribe by Email
Follow Updates Articles from This Blog via Email
2 Comments
చక్కని భావంతో పిలుస్తున్నారు....తప్పక వస్తుందిలెండి.:-)
Reply Delete.తప్పక వస్తుందిలెండి.:-) inka nayam maa sri mati ku telugu raadu..vaste anedi....ghar me ram gali me shyam .....ayina naa pilupu naa gontu varaku untene hundagaa untundi..
Reply Delete