!! బహుశ ..... !!

సంవత్సరాలైన నీలోని 

ఆహాన్ని వీడవు

బహుశ నన్ను కూడ 

వీడేదానివి కావేమో  

నీ స్నేహం కాక 

నీ అహం అయి నేఁ ఉండిఉంటే .......  

!! ఏం చెప్పనూ .. ? ....!!

ఎలా ఉన్నావని అడిగే 

ఆసక్తి నాలో లేక కాదు 

ఈ హక్కు నీకేవరిచ్చారని 

నువ్వడిగితే ఏం చెప్పనూ .. ?

నీతో సాన్నిహిత్యం పెంచుకోవాలనే 

ఆసక్తి నాలో లేక కాదు 

మధ్యలో ఉన్న అంతరాల గురించి 

నువ్వడిగితే ఏం చెప్పనూ .. ? 

నా అనే వారి కోసం అన్వేషించాలనే 

ఆసక్తి నాలో లేక కాదు 

నేను నీ... కానా అని నువ్వడిగితే 

ఏం చెప్పనూ .. ? 

మరెందుకా నిరాసక్తతని అడగాలనే 

ఆసక్తి నాలో లేక కాదు

అసలు దగ్గరగా ఎపుడున్నామని 

నువ్వడిగితే ఏం చెప్పనూ .. ?